HUTCH வலுவூட்டலுடன் இராணுவ படைப்பிரிவுகளுக்கு இடையிலான 56 ஆவது தடகள சுற்றுப்போட்டி

´இராணுவ படைப்பிரிவுகளுக்கு இடையிலான 56 ஆவது தடகள சுற்றுப்போட்டி 2019´ நிகழ்வானது அண்மையில் கொழும்பு சுகததாச அரங்கில் இடம்பெற்றுள்ளதுடன், இதற்கான பிரதான அனுசரணையை HUTCH வழங்கியுள்ளது. இராணுவத்தின் 24 படைப்பிரிவுகளின் தலைமையகங்களை பிரதிநிதித்துவம் செய்யும் வகையில் இலங்கை இராணுவத்தின் 800 வரையான அனுபவம் வாய்ந்த இளம் தடகள வீர,வீராங்கனைகள் இந்த வருடாந்த நிகழ்வில் பங்குபற்றியுள்ளதுடன், 3 தினங்களாக இடம்பெற்ற விளையாட்டு நிகழ்வில் தட மற்றும் கள நிகழ்வுகள் அடங்கியிருந்தன.

இலங்கை இராணுவத் தளபதியான லெப்டினன்ட் ஜெனரல் ஷவேந்திர சில்வா, Hutchison Telecommunications Lanka (Pvt) நிறுவனத்தின் பிரதம நிறைவேற்று அதிகாரியான திருக்குமார் நடராசா, Hutchison Telecommunications (Pvt) Ltd நிறுவனத்தின் விற்பனை மற்றும் சந்தைப்படுத்தல் துறை தலைமை அதிகாரியான ரம்ஸீனா மொர்செத் லாய் மற்றும் பல பிரமுகர்கள் இந்நிகழ்வில் கலந்து சிறப்பித்துள்ளனர்.